مساجلات
ياحامد انته وين موجز قصيدك
ونته منول فالقصيد انتحاري
ودي تسمعنا فرايد جديدك
اللي يردد نهجها كل قاري
ونكان فالايام غلق رصيدك
وهوه منول وسط بنكن تجاري
تعوض الله فيه شين يفيدك
تلقا جوابه في صحيح البخاري
ثم قض وقتك من دوامك لسيدك
لايشغلك قنص الضبا والحباري
لومجلسك وسط البلد مايزيدك
يزعجك كربون البلد والكباري
سج القدم قدام ياتي وعيدك
العمر مهما طال جاه المباري
الموت يالانسان داخل وريدك
انكان ماجا الصبح بيجيك ساري
لاحان وقته فرقك عن حفيدك
لوغصت فالغبه وبجت الصحاري
ويالله يامن لرضاك تسجد عبيدك
ياللي بماتكتب علي العبد جاري
ياللي بيدك الخير ولامر بيدك
انك تغفر اذنوبنا ونت داري
#محمد_بن_حصين
*** **** **** ***
حي الكتاب اللي لفاني من إيدِك
خلا هجوس الفكر تضرب بواري
يامحمد أنته خابر إني عضيدك
وكل الفرايد لجل عينك سواري
عندي مثل ماعندك الله يزيدك
الهاجس اللي مايغيب إضطراري
وإن كان تبغا حبرها من وريدك
جتك البيوت تقول قوة طواري
قنص الضباء اللي جبتها في نشيدك
حطت بوسط القلب مضرب شباري
عنق الغزال ليا جفل يوم عيدك
وعين المها وصوت المطر والقماري
وريحت شذاه ومسك جيده يفيدك
وغنج وتدلاع وعنود وعذاري
وخوت نشاما درع جنب ورصيك
وسوالف الشيبان قوم اللواري
وأخير منها بالليالي بريدك
تسجد وترسل من عيونك عباري
وتطلب من المولى بفضله يحيدك
عن كل دربٍ للشقا به مواري
#حامد_بن_براك
تعليقات
إرسال تعليق