الله يعينك
لاتشتكي .. للناس همك وبلواك
لأن اصبعك يِدمعك لاناش عينك
يفرح بك الشامت وتفرح بك عداك
ناسٍ مع الجِرّه يقولون وينك
ويحزن عليك اللي ليا طاح ناداك
والصادق اللي بالشدايد يمينك
ويحزن عليك اللي يودك ويبغاك
وتتعب قلوب أغلا البشر والدينك
لاترسل الشكوى على غير مولاك
دام النتيجه قولت الله يعينك
إسجد لربك وإنقش الهم بدعاك
ترا الفرج قدام ترفع جبينك
الشاعر / حامد بن براك
تعليقات
إرسال تعليق