عج المصايب

من غزوة الهشتاق لأشعار  نواس               
ومن  سالفة  جدك  تحداه جَدي

حرية  التعبير   مكتومة  أنفاس                 
أما  تبيع العقل وألا أنت ضدي

ماهكذا   تبنون   الأمجاد ياناس               
اللي  يجيب العلم  لازم  يودِّي

الفرد  تفكيره  له حدود وقياس                 
ويمكن يكون الفرد عقله مصدِّي

واذا بدا  التفكير من عدة أجناس               
آخذ  برايك  وانت  ينفعك رَدِّي

تقول فتح الجرح مؤلم وحساس               
أقول  من  بعد   العلاج  المهدِّي

 لكن كتم الجرح  محكوم بالياس                 
مايوم  يبرا    ..   إيه هذا تحدي

أخاف  بكره  ياقع الفاس بالراس               
ونبدا نقول  الوضع ليش متردي

ماكل طيرٍ  يدرج  الحوم  قرناس               
ولو  طيروك  شوي  ترجع تهدِّي

أعوذ بك  يارب من كل وسواس                 
"حاولت  اعديها  ...   وعيّت  تعدي"

الشاعر                                       
حامد  بن  براك