ملتقى قبيلة السوطه
ملتقى معايدة شباب السوطه الثالث لعام ١٤٤٠ هـ
ياهاجسي وصّل نجوم الليل بأسلاك الخيال
واشعل قناديل الفرح من جالها لاجالها
واحروف شعري لابدة قند بها صفر الدلال
وقهو الحضور امن المعاني لانضمت اجزالها
واحرق جناب العود الأزرق وانفح بطيبه شمال
ينطح وفود المحفل اللي رايته نسعالها
يامرحبا تقدير مابين الشروق اليا الزوال
وتعداد مافوق البسيطه دقها وجلالها
عند الشيوخ اللي لهم تاريح صيته لايزال
يجدده طيب الرجال الحاضره وأفعالها
عاش الكريم اللي فتح بيبان قصره للوصال
ويفتح مغاليق الصدور اللي حديد اقفالها
شيّد جسور الوصل بين أبناء العمومه من خلال
فكره فريده ناجحه كلن يعد أفضالها
سالم ليا ذكروا هل الطالات عديته مثال
من دون قاصر في حقوق الطيبين وحالها
شيخن عزومه ماتعرف الصعب لو انه محال
وكل المدايح في كنف بشته لقت مدهالها
وأصغر فعوله حفلنا ذا الليل ويسميه فال
والسالميه كل يوم يشرعون احلالها
عسى حقاق الغيث ينزل مع مقاديم الخِيال
ويبارك الله في مواردها وفي مسيالها
وعاشت يمينن مع يمينن شيدة هالكرنفال
ماقول يمناً ويش تفعل لاقصرت اشمالها
يوم أسمع التاريخ يِروا كن في صدري نضال
بين القوافي كل قاف يقول انا خيالها
أمدح سمو الآبه اللي فعلهم سِلم وقتال
تشهد به حلوق الرواه الفانيه وأجيالها
حازو على ذروة سنام المجد مافيها جدال
وفي دولة ابن سعود قاده عالين منزالها
تاريخهم شامخ على الدنيا مثل صم الجبال
وظهر البسيطه مايثبتها ياكود جبالها
يسوقني عرق الحميا وأمدح كرام السبال
لاقيل منهم قلت آلاد اسواط حي أفعالها
ويشوش راسي بالفخر وأميل اطراف العقال
لا والله ألا تكرمون بغترتي وإعقالها
الشاعر / حامد بن براك
تعليقات
إرسال تعليق