الخوف

الخوف

الخوف ماخلد قصيرين الاعمار

الخوف .. خلاهم للأعداء طماعه

حي الشجاعه كنها قحص الأمهار

تسري على ضو القمر وإنقطاعه

ي اللي تبا تلعب على عزف الأوتار

قول الكلام اللي تخاف استماعه

الحق مثل الشمس من فوق الأنوار

طف السراج اللي ضعيف(ن) شعاعه

ليت المحاكم وزعت صك الإعسار

على عقول  محاربين  الطواعه

إعلامنا مفلس من نفوس الأحرار

وللعلمنه  منبر  قوي  المناعه 

إحذر توطى النار يامشعل النار

من لا يحسب خطاه زاد التياعه

أنا على درب الصحابه والأبرار

درب النجاه ولا دروب القطاعه

ماني بغادي في متاهات الأشوار

دام الفضاء ماضاق فينا إتساعه 

أنا  نتمائي للوطن سر  . وجهار

وقبل الوطن مسلم وعندي قناعه

على العِداء ياهيه ...  أنا سيف بتار

 أحمي حمى الإسلام في كل ساعه

واللي فقش راسي بطبله ومزمار

لايحسب إن الإنتماء بالخناعه

الإنتماء للدين  من طبع الأخيار

ولاهو بمثل الإنتماء للجماعه

ماله حدود وعابر(ن) كل الأقطار

قبل  الجناسي تنطبع بالطباعه

واختامها صلو عدد وبل الأمطار

على النبي يالي تبون الشفاعه

الشاعر / 

حامد بن براك