البارحة

البارحة

البارحه .. وسدت راسي مخده
حاولت أنام وحاربت عيني النوم

الفكر يفتل فالشريط .. ويرده
صوتٍ سمعته كله أوجاع وهموم

صوتٍ طوى قلبي وعيا يمده
عيت عظامي تنقل الجسم ويقوم

مثل البحر في وقت جزره ومده
فجأه فقد مده وأخذ جزره يعوم

كل الشواطي وقفت مستعده
والطير حول مايبا يدرج الحوم

وشفت الشوارع فاضيه مجرهده
وصوت الهبوب مخالطه ناعق البوم

ولمت البحر وين الغلا والموده
قال البحر مايحتمل كاهلي لوم

أنا حزين وحزني أسباب ردِْه
عادل مريض وصوته بقلبي سهوم

قلت إيه عادل فالجماعه نعده
من روس قوم وتخضع لهيبته قوم

لاكن أنا ابشرك يابحْر جده
ترى المرض بأمر الولي حده اليوم

إخذ الوكاد وشيل علمي ووده
وخل الطبيعه ترجع لحالها دوم

والنورس يغني وموجك يشده
وورد الشوارع كنه العقد مرسوم

الشاعر /

حامد بن براك