بعض الرجال

بعض الرجال

الحر في وقت الهدد ينفض الريش
وليا نخيته … جابلك ماتمنا

يروي كبود(ن) من ضماها معاطيش
ويكيِّف اللي وسط راسه مجنا

حتى أيش لو تكبر مطالبك حتى أيش
الحر  يلقا  بالصعيبات  فنَّا

يفداه رجلٍ مايعرف المغابيش
ولا يِنِّشد عن شامنا من يمنّا

اللي بطولاته على ام الدناديش
 يغدي ضحى يالله لاتمتحنا

ودك يِعَمَّد بالمجالس تفاتيش
ويدرسَون أهل الردى سَلم أهلنَّا

اللي يحسبون الزمن طيش في طيش
ما يعروفون الوقت .. ياما طعنّا

وبعض الرجال إرسالها فيه تشويش
ولاقلت تكفا يقطع البث عنا

يغيب مدّه يحسبنا دراويش
ويبدي ليا من راحو القوم منا

ياللي بجاهك تبخل أبسألك ليش
ليش انت ماترحم حياة المعنا

ي قليل النفعه تفاخر على ويش
والله لو  انك عاد رمح المطنا

أبك إبد وجهك للرجال المداغيش
وإفزع ليا نادوك لا لا تونا

واعلم ترا لا طَولن المطاريش
يظهر لك اللي فالخوافي يكنّا

خلك ذرا ربعك مثل قايد الجيش
واللي يبا الطاله لابد يتعنا

رجل(ن) يموت وكل همه صحن عيش
ورجل(ن) فعوله فالمحافل تَغنا

الشاعر /
حامد بن براك