حب ..ريمه

حب ..ريمه

شاشة الجوال من بعدش عقيمه
يمسي ويصبح حبيس(ن) بالمخابي

قلت يمكن بالرسايل ترحمينه
وافتح الوتساب واكتب في حسابي

تدعين انش من الفرقا سليمه
والفرح غطا حياتش في غيابي

بس انا ( العفار ) إذا منتي غشيمه
قلبي معذب وقلبش من عذابي

بَوحي بحبش ترا ماهو جريمه
الجريمه لاكتمته في شبابي

وش يفيد البوح بعده يافهيمه
لنحنى ضهري وشعر الراس شابي

افصحي عن حبِّش اللي تكتمينه
بعثريه وعطري حضرة جنابي

دام قلبش حي لا لا تظلمينه
افتحي مزلاج صدرش بالجنابي

الحيا ياتي بعد غيمه وديمه
مانبت ورد الخزاما من ظبابي

إمطري قلب المولع ياحكيمه
وإحصدي ورد ونواوير وشذابي

لايمي يالايمي في حب ريمه
اشهد انك مخطين درب الصوابي

لبسها لبس الشرف ستر وحشيمه
وافيه وبعون ربي ماتعابي

بنت شيخ (ن ) بالكرم تندا يمينه
للعرب جمره مثل لون الشهابي

جعل قبره روضتن خضرا ثمينه
ومنزله منزال ابو بكر الصحابي

الشاعر /

حامد بن براك