الأميره

الأميره

يومٍ مضالي كل مامر طرياه
يدفن بقايا شهور قبله مريره

يوم الثلوث اللي تعدة مطاياه
ودارة عقارب ساعتي المستديره

خاطبتها بإسلوب كله محاباه
كني عشيرن ويتغنى بعشيره

ولكم تو باك وقالت الفاتنه وآه
قلت إسمعيني ياسمو الإميره

شاعر وعندي من الغزل والمعاناه
وارسم وصوف الجادل المستذيره

اللي على قلبي ركز راس شلفاه
وأوما بروحي بين ديره وديره

وليا نويت أقلط على الشيخ بحماه
عندي هجى ماكنه الا الذخيره

انزله من فوق كوره ومركاه
يالين يطلبني بجاهي وأجيره

واليا مدحت بيوت شعري مسماه
ولانمدح ألا طيبين السريره

اللي لهم فالمجد عنوان نقراه
شيوخ نجد موحدين الجزيره

وأنتي بيوت المدح لجلك مبناه
وإسلوبك الراقي شذاه وعبيره

حكمه وأدب وأخلاق ماهي مراوآه
الحق مثل الشمس وقت الظهيره

ياجعل من رباك يسعد بدنياه
ياجوهرة غب البحور الغزيره

وجعل جنان الخلد داره ومثواه
مع النبي والصحب وأبو هريره

وأفز من نومي وانا اردد الآه
محموم والسلك التمس بالضفيره

ويوسف بجمبي يسمع حكاي وحكاه
ومع كل بيت يقول بتلاه خيره

وبرادنا فوق الجمر ينتثر ماه
جمر الغضا من الشوق زايد سعيره

ومشهور بن ساير تهيض من أقصاه
واسمع حروف الشعر جتني مغيره

ولين ابن مزروع يشر بيمناه
ويقول أنا جنين قلب الأميره

قلت إسمعو بعض الحقايق مغطاه
وألا الأميره ياجماعه فقيره

هذا بلا من حده القيض وأضماه
ولا جاله ألا كاس بتلاه بيره

الشاعر /

حامد بن براك