مساجلات

مساجلات 

هذه الأبيات إهداء للأخ :

سليمان بن سليم بن سالم البشري الحربي

لكم من الخافق سلام وتحيات
واصدق مشاعر صغتها في قصيده

ياحرب عطرتو خيالي والأبيات
وشاش الفكر وأنتج قصيده جديده

ياحرب عنوان الكرم والبطولات
ياناصرين الدين وأهل العقيده

ياحرب سَطَّرتو للامجاد رايات
وأفعالكم تكسح غلاف الجريده

واخص من خاويته اليوم بالذات
وجه السعد راعِ السجايا الحميده

سليمان صيته شاع وقت المهمات
مايشتكي جور الليالي عضيده

ي بن سليم اللي رقيت الطويلات
وخضت البحور الهايجات العنيده

ماني بناسي وقفتك ماضين فات
دقيت صدرك للحمول الجهيده

انا أشهد انك حر نادر سلالات
ورِبيت في ماكر حرار ( ن ) فريده

وإختامها صلو جزيل الصلاوات
على النبي ي أهل العقول الرشيده

الشاعر / حامد بن براك

هذه الأبيات رد على أبيات مهداه من الأخ :

حامد بن محمد بن براك السواط العتيبي

يامرحبا ترحيب في كل الاوقات
ترحيب من جوف الصميم ووريدة

أنتم وحنا في شبابه زعامات
درب الوفا نمشي ولا احدٍ يحيدة

ياعتابه التاريخ يشهد بما فات
يشهدلكم ياهل الفعول السديده

ياعتابه اللي في جميع المجالات
افعالكم طالات هذي وكيدة

النعم تعطى للرجال القداوات
والنعم فالعتبان كلٍ وليدة

المدح نفخربه ولابه مراوات
حطيتني في ماقع انته حديده

وشلون مانفزع لمثلك سلامات
ياراعي الفزعات فعلك نجيدة

ياحامد افعالك على مر الاوقات
نوماس والنوماس كلٍ يريدة

وعلى نبي الله صلاة وتحيات
اللي بعثه الله ينجي عبيدة

الشاعر / سليمان بن سليم البشري الحربي