مرثيه
مرحوم ياشيخٍ على الطيب مرباه
منصا الشيوخ اللي تفك النشايب
إليا وقف من دون ربعه ومركاه
زيزوم قوم ولا يهاب المصايب
وليا إعتزا ثم صافح السيف يمناه
من سطوته دايم عطيب الضرايب
كريم .. يعطي كل ماتملك يداه
صدره رحيب لضيف والا قرايب
مثل السحاب إليا نشا وإنتثر ماه
بأمر الله الوالي جزيل الوهايب
حاز المراجل والفخر طيب الجاه
من ماكر أحرارن تروم الصعايب
يشوش راسي عند ذكره وطرياه
وأحرص على دربه وأسوق الركايب
يوم إنتهى شطر القصيده على الآه
حرك بوسط القلب جند وكتايب
حتى الضلوع العوج من طيب ذكراه
صارة كفوف وتدعي بقلب تايب
مات الجسد والصيت حي وسمعناه
من بعد مارزت عليه النصايب
( براك ) تاريخه مع الناس نقراه
الشامخ اللي حال دون الهبايب
يالله تجعل جنة الخلد مثواه
ياالخالق المنان منشي السحايب
الشاعر /
حامد بن براك
تعليقات
إرسال تعليق